Рэкалекцыі Велікапосныя 2013

22–24 лютага ў Парафіі Маці Божай Ружанцовай адбудуцца Велікапосныя рэкалекцыі. У гэтым годзе ў парафіі іх правядзе айцец Дзмітрый Занямонцкі з ордэна айцоў-аблатаў.

Рэкалекцыі адбываюцца двойчы на год, перад двума галоўнымі святамі – Нараджэннем Хрыстовым і святам Уваскрашэння. Рэкалекцыі іншым словам – гэта час, які мы пасвячаем на духоўныя практыкаванні. На гэтыя духоўныя практыкаванні запрашаецца святар з іншай парафіі, які дзеліцца сваім духоўным вопытам, каб мы маглі паглыбіць нашу веру. Таму ў абвешчаным Касцёлам Годзе веры, тым больш заахвочваю затрымацца бегу штодзённага жыцця і паглядзець на сябе і сваё жыццё з глыбіні, з нутры.

План рэкалекцый:

Пятніца, 22 лютага: 19.00. Імша святая з навукаю агульнай.

Пасля святой Імшы — Крыжовы шлях. У гэтую пятніцу яго рыхтуе і праводзіць парафіяльная моладзь.

Субота, 23 лютага: 19.00. Імша святая з навукай агульнай. Пасля Імшы – навука становая для сем’яў.

Нядзеля, 24 лютага: 9.00. — Святая Імша на польскай мове з навукай на заканчэнне рэкалекцый.

10.30. – Святая Імша з навукай на заканчэнне рэкалекцый. Пасля Імшы – выстаўленне найсвяцейшага сакрамэнту, «Песні жальбы».

12.00. – Святая Імша з навукай для дзяцей.

18.20. – «Песні жальбы» з навукай пасыйнай.

19.00. – Святая Імша з навукай на заканчэнне рэкалекцый. Пасля Імшы навука становая для моладзі.