Імша святая раратняя – на ўшанаванне Багародзіцы

DSC02631 Час радаснага чакання Нараджэння Хрыстовага – перыяд Імшаў Раратніх – на ўшанаванне Багародзіцы Панны Марыі. (Фота).

Распачынаючы Рараты ксёндз-пробашч Генадзь Кухарэвіч  падкрэсліў асаблівую ролю Панны Марыі – яе пакору і поўнае адданне Божай волі, яе ахвярную веру. І таксама заклікаў парафіянаў быць вернымі паслядоўнікамі Багародзіцы ў перайманні паслядоўнасці і пакоры Божай волі.

Сёлета Імшы Раратнія ў парафіяльнай капліцы праходзілі на золку тройчы на тыдзень: у панядзелак і сераду яны адбываліся а 6.45 раніцы, у суботу — а 8.00. І кожную Імшу раратнюю парафіяльная капліца была напоўненая людзьмі: сталымі і маладымі вернікамі, мінсістрантамі. Адна з удзельніц імшаў Раратніх 10-гадовая парафіянка Каміла пра свае Рараты сказала гэтак: «Мне дзесяць гадоў. На Раратнюю Імшу прыйшла не ўпершыню, ужо летась хадзіла.

«Ня цяжка гэтак рана ўставаць?»

Каміла: «Цяжка».

 «Чаму тады ўстаеш?»

Каміла: «Бо тое, што ты ідзеш на Рараты, — гэта ахвяра».

«А дзеля чаго патрэбная гэтая ахвяра?»

Каміла: «Яна патрэбная дзеля таго, што ты прысвячаеш сваю душу Пану Богу. Ты даказваеш, што табе нічога не шкада дзеля Пана Бога. І яшчэ гэта Адвэнт — калі мы „сціраем“ свае грахі. Гэта калі ты нечага моцна хочаш, але адмаўляесься ад гэтага дзеля Пана Бога».